愛情作家個案輔導 #1 婚外情的女人

好吧, 既然以愛情作家的身份自居, 我都好應該從今起做一些對社會有建議性的東西, 除了放小說之外, 我都希望可以靠上天賜給我的天賦去幫助別人, 救人等如自救, 我打算從今起久不久就會找一些個案來輔導一下。

本帖最後由 Yummywonderful 於 14-5-31 11:17 編輯

我係一個已婚女人，在兩年半前，我同佢開始左。佢係我同事，一進公司見到佢已有特別感覺，我返工半年後就同佢一齊。
佢知我有老公，但佢仍然對我熱烈追求。佢對我基本上好似當我係公主一樣，隨時隨到，任何時候都會氹我，將我放在第一位。而且佢因為我改變好多，由180磅減到138，就只係我話佢肚腩太大，唔可以攬住佢呢一句說話，佢就晚晚跑步，用左三個月時間就減肥成功。本身佢食煙，佢話食因為壓力大。但我唔鐘意，佢在我面前一支都唔會食，其他時間都係一支起兩支止。

佢任何時間都放我在先，我一有時間call佢，佢會陪我。但由於我真係唔多時間陪佢，我地其實都因為呢樣野嘈過不少次。佢有要求過我離婚，但我心諗唔會在這呢一兩年內，而且我仲好care 我老公，佢一講呢個topic我地都會嘈起上嚟。

佢同性既要求都好頻密，基本上一個星期一次，我大部份時間都唔太願意陪佢，因為我覺得對唔住我老公。但同佢keep住呢段關係，主要原因係有啲野老公係俾唔到我。

在這關係裡，還有一個已婚女人，我地三個在公司內表面上好friend, 但佢唔知我同那男人既事，我地三過曾經一齊去玩：唱k,行山等。其實我知這女人一直暗戀呢個男人，但我一直想阻住那女人唔俾佢貼實那男人，甚至將佢迫走我地呢個group,之後男人少左同那女人聯絡。

直至最近，我真係唔可以再維持到同時有兩個男人既關係，以往我曾提出過分手，但同佢糾纏後又心軟同佢喺返埋一齊。今次我就藉著佢同那女人聯絡為題（之前我都試過）同佢講分手，叫佢唔好再返轉頭。佢今庁真係無，而且仲同左個女人一齊。

我心裡好唔舒服，因為咁我失眠左兩個幾月（到而家）。我接受唔到佢咁快同那女人一齊，而且仲去左旅行。件事點解會攪成咁？我仲同那女同部門，佢完全唔知我知道晒所有野，仲要有講有笑。

情緒既痛苦，係啲念頭一直不斷而且無時無刻咁湧現，佢既樣，以前走過既路，佢講過既每一句說話，不停浮出來。即使我刻意唔諗，迫自己想將來同老公既事，啲記憶係咁迫我諗起，甚至幻想佢地而且一齊既情況，跟住我成身就會出汗及胃痛。呢種辛苦，我幾時先可以挨得過去？ 我而家已經將佢送俾我既野一一掉棄。佢在分手後都同我講過：已經掉晒我喺佢屋企啲野，並且將一切唔掉得既野收埋、封住、就係為左唔要再諗起我。其實我有親口問過佢係咪同左那女一齊，佢無答。只係同我講：已經唔再愛你了。（我那刻真係接受唔到）。 我講返以前既事，我都想自己睇清楚我有幾咁chi sin. 我理性上好清楚係要求分開，行返正軌，愛我老公係完全正確既決定。但我情感上仲好脆弱，仲未拿捏及控制到情緒。就今日同老公出街，我啲眼淚一路在眼眶內，佢看不見就流出來而我靜悄悄咁抺走。佢見到就問我做乜喊，我無答佢，並望去第二邊，去諗我同老公既將來。 自己既諗法一路喺度爭戰緊：1）佢係賤精，不斷上人妻；2）佢係俾人勾引既，有乘虛而入。迫自己唔諗佢既同時，爭取同老公建立返關係。希望儘快好返。

Kaykay回應: 看完你的個案, 我好想留幾句言, 希望可以幫你盡快走出這段時期失眠所帶來的精神困擾。 我很感受到你所說的老公在心思方面的不成熟, 令到你精神上未能獲取滿足。我知道你的生活當中沒有什麼人可以為你帶來快樂, 你希望你老公可以做到這點, 而偏偏跟他一起, 你完全發現不到他可以為你提供任何驚喜或快樂點。 又甚至乎, 你好想回到家, 其實要求不多, 你無非只不過想有個男人足夠聆聽你工作上的情況, 你生活的大小二事而已, 但是, 你的老公把時間放在打機上, 你自不然就寧願閉口不說, 日子久了, 積聚在你心裡面的說話沒有一個傾訴的出口, 你感到郁悶。 而當有另外一個比較有趣的男人出現, 他可以足夠關心到你平時沒人關心的部份時, 你很自自然然就會喜歡上他, 這就等如一個在沙漠走了很久的人突然找到陸洲一樣, 不難理解你為何會喜歡上你現在在工作上認識的男同事。 容許我比較白一點地說, 其實早在你認識這位公司的男同事之前, 你一早已經感到婚姻的缺失, 只是可能當時工作太忙, 又剛結婚, 你想觀望一下, 所以你把自己感情缺失的部份放下沒有即時去處理。 我建議你先從根本性去了解一下自己的心理需要, 想要走出這個困局好簡單, 你要明白, 那個在你感情缺失出現的男人, 是過眼雲煙來的, 他不屬於你, 你應該感激他的離開, 因為他絕情的離開, 已經幫你做了決定, 你不用再煩多一段不屬於你的關係。 而你接下來需要解決你跟你老公根本性的問題, 你問自己, 你仍想不想跟他在一起, 想的話, 你要有勇氣去改變跟他以往已有的相處模式, 你可以嘗試找個時間跟他平心靜氣地表達你自己的需要, 不要覺得難啟齒, 在自己的親人面前是應該最容易表達自己的情感需要。你大可以說, 其實你需要的是他的陪伴, 他的問候, 他少打一會機, 多點聆聽你, 若干日子之後, 我保證你們的感情會比從前更牢固。他會重新發現你。 你的責任是, 透過你的言語讓他知道你的需要, 不要讓他猜, 因為他如你所說, 是個大細路, 大細路的思想簡單, 他不會猜得透你的心思。你也許認為把心中的底牌坦坦白白地揭露出來是需要極大的勇氣, 但我想告訴你, 你上得網, 找人傾訴, 本身已經踏出了第一步, 你只需要安排你的勇氣推到下一步。 最後忠告是, 兩人相處貴乎溝通與互信, 否則就算是下一個, 再下一個情人都好, 他永遠只是跟你的軀殼去相處, 而觸碰不到你的內心。